Replikat/ Bylykbashi: Ligji 7501 është miratuar nga PS! Lamallari: S’dua ta zgjas

Deputeti i PD-së, Oerd Bylykbashi gjatë mbledhjes së sotme në Komisionin e Ligjit ka korrigjuar dhe kritikuar ministrin e Drejtësisë, Besfort Lamallari i cili u shpreh se ligji 7501 u miratua nga Partia Demokratike dhe se i është referuar medias. Bylykbashi theksoi se si ministër i Drejtësisë,  Lamallari duhet ti referohet fakteve dhe se ligji 7501 është miratuar në vitin 1991 nga PS-ja.

Ai theksoi se në rast se nuk është i informuar nuk mund të dalë në Parlament dhe të dezinformojë shqiptarët. Nga ana tjetër ministri u shpreh se nuk do që ta kthejë fokusin e takimit me një çështje që e ka ezauruar. Lamallari theksoi se nuk iu referua medias por të një deklaratë për mediat të kreut të PD-së.

“Nuk dua ti rikthehem një çështjeje që e ezaurova. Nuk iu referova në substance medias, iu referova deklaratës së kryetarit tuaj në media që bënte një mea kupla për këtë ligj, për të qenë shumë korrekt. Nuk do doja të vazhdojmë më, se do duket sikur ky është fokusi i takimit, unë jam thirrur për t’iu përgjigjur pyetjeve tuaja të drejta,” tha ai.

LEXONI GJITHASHTU:

• Komisioni i Ligjeve 1 minutë heshtje për gjyqtarin e vrarë, Manja: Kambanë alarmi 
• “A është masa e paraburgimit abuzive?”, përgjigjet Lamallari: Është një padrejtësi