Dështon formimi i qeverisë së re, Memli Krasniqi: Kurti nuk do jetë më kryeministër

Kryetari i Partisë Demokratike të Kosovës, Memli Krasniqi, tha pas seancës në Kuvendin e Kosovës se sot është vërtetuar që “Abin Kurti po e mban vendin peng”.

“Ky është fundi i një mashtrimi politik që vendit tonë këta muaj i ka kushtuar edhe me izolimin, edhe me përçarje, edhe me humbje kohe. Albin Kurti nuk do të jetë më kryeministër i Kosovës. Nuk do të jetë më”, tha Krasniqi.

Ai theksoi se secila qeverisje e re pa Kurtin do të jetë e mirë për Kosovën.

Propozimi i Albin Kurtit për një mandat të ri katërvjeçar nuk mori përkrahjen e nevojshme prej 61 votash në Kuvendin e Kosovës në seancën e mbajtur të dielën në afatin e fundit ligjor të vënë nga Gjykata Kushtetuese.

Me 56 vota pro, 52 kundër dhe 4 absentime, Kuvendi nuk e zgjodhi Qeverinë e re të Republikës së Kosovës.

LEXONI GJITHASHTU:

• Raundi i dytë i zgjedhjeve lokale në 18 komuna në Kosovë, fushata hapet në 3 nëntor
• EMRAT| Kurti prezanton kabinetin e ri qeveritar