Hila: Shqipëria ka nevojë për një Senat parlamentar me figura të vjetra politike

Analisti politik Dritan Hila, i ftuar në emisionin “Now me Erla Mëhillin”, deklaroi se është pro ngritjes së një Senati parlamentar, ku mund të vendosen figurat e vjetra politike, pasi kjo sipas tij do t’i bënte shumë mirë vendit.

“Unë mendoj që në këtë moment që po bëhet reforma, është e vërtetë që ky shtet ka rënë dhe duhet një reformë. Marrim Senatin. Unë mendoj se Senati duhet të ketë 20 deputetë dhe është i nevojshëm për të vendosur aty disa figura politike. Çfarë i ke bërë Sali Berishës, asgjë, ca do t’i bësh Edi Ramës, është figurë historike; Fatos Nanos, asgjë. Ferr në këmbë nuk i hyri. Janë figura historike, prandaj duhet një Senat. Senati në momentin që janë 20 veta, të cilët kanë një lloj distancimi nga jeta e tyre aktive politike, mund të bëjnë disa gjëra më mirë,” tha Hila.

Analisti shtoi se Shqipëria ka nevojë edhe për një reformë zgjedhore që të synojë zvogëlimin e numrit të deputetëve.

LEXONI GJITHASHTU:

• Pakt i mundshëm Rama-Berisha? Gjin Gjoni: Ka 2 propozime, kreu i PD është i gatshëm
• PS refuzoi komisionin hetimor për “11 majin”, Berisha: Firmosët fundin e parlamentit