Këshilli Ndërfetar i Shqipërisë reagon për barazinë gjinore: Duhet të ruajmë vlerat

Në një deklaratë për shtyp, Këshilli Ndërfetar i Shqipërisë , KNFSH, ka ritheksuar qëndrimin e tij të mëparshëm në lidhje me projektligjin “Për Barazinë Gjinore”. Sipas këshillit, ky pozicion mbetet i palëkundur dhe i qartë, ashtu siç ishte shprehur në dokumentet e mëparshme të dërguara tek institucionet përkatëse.

Në deklaratën e tij, KNFSH thekson se është e rëndësishme të ruhet balanca mes vlerave themelore të familjes, traditës shoqërore dhe morale shqiptare, si dhe parimeve të besimeve fetare që udhëheqin këtë shoqëri, duke siguruar një atmosferë respekti dhe mirëkuptimi ndërmjet grupeve të ndryshme.

Këshilli Ndërfetar theksoi gjithashtu angazhimin e tij për të vazhduar dialogun dhe bashkëpunimin me institucionet shtetërore dhe shoqërinë civile. Kjo do të ndihmojë në forcimin e harmonisë ndërfetare dhe krijimin e një shoqërie të drejtë, të barabartë dhe të qëndrueshme.

Në përfundim, KNFSH shpreh dëshirën për bekimin e Shqipërisë dhe të gjithë qytetarëve të saj, duke kërkuar një të ardhme paqësore dhe të bashkuar për të gjithë.

LEXONI GJITHASHTU:

• Zbardhet vendimi i GJK për Veliajn: Vendimi i Këshillit Bashkiak i parregullt
• Seanca/ Veliaj: U shkel Kushtetuta, Qeveria: Vepruam pas Këshillit Bashkiak