Shfrytëzonte dy kineze për prostitucion, arrestohet 47-vjeçarja në Tiranë

Është arrestuar këtë të enjte një 47-vjeçare, shtetase kineze, pasi shfrytëzonte dy shtetase të tjera kineze për prostitucion në apartamentin ku këto të fundit banonin.

Në kuadër të operacionit të koduar “Foreign 3” u arrestua shtetasja kineze F. Z., 47 vjeçe, për veprën penale “Shfrytëzimi i prostitucionit”.

Ndërkohë, ka nisur procedimi penal për shtetaset kineze D. W., 44 vjeçe, dhe L. C., 46 vjeçe, për veprat penale “Prostitucioni” dhe “Mbajtja e ambienteve për prostitucion”, pasi kishin përshtatur apartamentin e tyre për këtë veprimtari kriminale.

Vijojnë hetimet për identifikimin e shtetasve të tjerë të përfshirë në këtë veprimtari të paligjshme.

Materialet procedurale iu referuan Prokurorisë së Tiranës për veprime të mëtejshme.

LEXONI GJITHASHTU:

• Tirana ndër kryeqytetet më të shtrenjta të rajonit për të jetuar me qira
• Durrës, 32 familje kundërshtojnë vendimin e gjykatës: Po na nxjerrin nga shtëpitë