Inteligjenca artificiale në zgjedhjet e 2027, përgjigjet Celibashi

Kreu i KQZ-së, Ilirjan Celibashi gjatë deklaratës për mediat është pyetur nga gazetarja e Euronews Albania, Eksiola Shehu nëse KQZ e shikon te mundshme për ta aplikuar Inteligjencën Artificiale për zgjedhjet e 2027 si projekt pilot.

Celibashi në përgjigjen e tij u shpreh se IA po përdore globalisht dhe se nuk ka pse të mos përdoret në proceset zgjedhore.

“IA në rastin e zgjedhjeve mund të përdoren në shumë aspekte të procesit zgjedhor. Ne e panë si më dobi për ta përdorur gjatë procesit të numërimit dhe vlerësimit të fletëve të votimit.

Përdorimi i IA nuk shmang komisionarët ose numëruesit sepse duhet dikush që i shfaqe fletët e votimit para një kamere. Në kuptim të kohës dhe saktësisë për gjykimin dhe vlerësimit tonë do të ishte e udhës te përdoret në te ardhmen nëse do të përdorim ketë mënyre manual te numërimit.

Për sa kohe inteligjenca artificiale po përdoret globalisht, nuk ka pse te mos përdoret në proceset zgjedhore. Pastaj se në cilin moment ose aspekt të saj mund të diskutohet”, tha ai.

LEXONI GJITHASHU:

• Botërori 2026/ Mitaj para sfidës me Andorrën: Nuk është kundërshtar i lehtë
• Inteligjenca artificiale në zgjedhjet zgjedhjet e 2027, përgjigjet Celibashi