Shqyrtimi i paketës fiskale dhe projektbuxhetit 2026 në Parlament ka sjellë sërish diksutime mes mazhorancës dhe opozitës.
Gazetari dhe analisti Mentor Kikia, i ftuar në emisionin “Now”, ka dhënë një analizë të qartë mbi qasjen e opozitës, duke theksuar se ajo po kërkon mjete të reja për të shprehur kundërshtinë kur nuk ka fuqi në Kuvend.
“Sa i përket sjelljes së opozitës, mendoj se kjo opozitë ose ribëhet ose zhbëhet. Nga ana tjetër, nëse opozita bërtet apo prish seancën do thonë se çfarë është kjo opozitë e tillë. Nëse rrihen do thonë për ça kanë shkuar, nëse thjeshtë do flasin do thonë se këto diskutime i dimë. Pra, secili mund të ketë metodologjinë e vet të opozitarizmit”, tha ai.
Kikia u pyet mbi sjelljen e deputetëve të PD-së teksa këta të fundit i kthyen kurrizin kryeministrit Edi Rama sapo doli në foltoren e Kuvendit.
“Të kthyerit të shpinës kryeminsitrit dhe braktisja gjatë kohës që fliste Belinda Balluku, janë dy sjellje të reja nga opozita.
Kthyerja e kurrizit mendoj se ishte thjeshtë një çështje refuzimi. Gazetarët në disa vende kur duan të braktisin apo injorojnë një zyrtar, kthejnë kamerën ose kurrizin, ndodh. A është ky një instrument politik? Besoj se në një Parlament ku opozita nuk ka më fuqi kartonash dhe ta diktojë ligjin apo ta frenojë, do përpiqet të gjejë instrumenta që të tregojë se po bën kundërshti”, theksoi gazetari Mentor Kikia.
LEXONI GJITHASHTU:
