A do e bënte skiatorja italiane simbolin e shqiponjës? Ja si përgjigjet ajo

16-vjeçarja e talentuar italiane, Lara Colturi, përfaqëson Shqipërinë dhe flamurin kuq e zi në sportin e skive. Së fundmi, ajo arriti një rezultat fantastik në garën e parë duke u renditur mes 30 më të mirave në Itali.

E pyetur në emisionin “Good Morning Albanians” në Euronews Albania, nëse do të bënte shqiponjën po të arrinte të fitonte një garë të rëndësishme, siç bëjnë sportistët shqiptarë, Lara u shpreh se një moment i tillë mund të vijë në mënyrë të natyrshme.

“Kam një shok klase që është shqiptar dhe ai ma ka treguar çfarë është ai gjest. Të them të drejtën, kur jam aty jam aq shumë e përqendruar sa nuk më shkon mendja. Mund të jetë momenti i tillë, mund ta bëj në të ardhmen, do jem shumë e emocionuar për arritjen, por do shoh, nuk di ta them tani”, tha Lara.

LEXONI GJITHASHTU:

• ‘E mahnitur nga Tirana’, Lara Colturi: Mes shqiptarëve ndihem si në shtëpi
• Lara Colturi bën mrekullinë! Toçi: Shumë shpejt Shqipëria, kampione bote në ski