A do marrë pjesë në protestën e opozitës? Përgjigjja e Jorida Tabakut

Deputetja e Partisë Demokratike, Jorida Tabaku nuk i është përgjigjur drejtpërdrejtë pyetjes së gazetares Sidorela Gjoni se a do të marrë pjesë në protestën e opozitës më 6 dhjetor.

“Jam shumë e lodhur me këto pyetje për çdo protestë. Unë kam vetëm një sugjerim për kolegët: Mos bëj kurrë atë që ke akuzuar kundërshtarin tënd. Unë besoj që qëndrueshmëria në politikë ka shumë rëndësi. Unë besoj që isha e qartë me këtë përgjigje të shkurtër”, u shpreh Tabaku.

“Kuptoheni si të doni, interpretoheni si të doni. Qytetarët shqiptarë kanë nevojë që të kenë një opozitë që i përgjigjet nevojave të buxhetit, një opozitë që rri jep argumente, fakte, ide, një opozitë që përballet me qeverinë në të gjitha mënyrat”, tha ajo më tej.

Më 6 dhjetor pritet të zhvilohet protesta e opozitës. Në të njëjtën ditë do të zhvillohet në Tiranë, samiti i radhës BE-Ballkani Perëndimor.

LEXONI GJITHASHTU:

• Pak para për të parandaluar përmbytjet, fondi i Minstrisë së Bujqësisë
• Evakuohen 70 persona në Shkodër, afro 1365 ha tokë nën pushtetin e ujit
• A rrezikojmë sërish përmbytje? Parashikimi i motit