A do ta bojkotojë PD Parlamentin e ri? Përgjigjet Sali Berisha

Kryetari i Partisë Demokratike, Sali Berisha, vijoi edhe këtë të mërkurë me denoncimet ndaj procesit zgjedhor të 11 majit, të cilin e cilëson si farsë elektorale.

Ai tha se PD po punon për të ndriçuar të vërtetën, duke theksuar se janë grumbulluar dokumente zyrtare që sipas tij faktojnë “shkatërrimin e këtij procesi në çdo qelizë”.

I pyetur nga gazetarët nëse partia do të bojkotojë Kuvendin në shtator, duke qenë se nuk e njeh rezultatin e zgjedhjeve, Berisha u përgjigj se çdo vendim do të merret nga forumet e PD-së, në momentin e duhur.

“Të gjitha do të vendosen nga forumet, gjithçka do të vendoset nga forumet”, deklaroi ai.

Sa i takon mundësisë për një riformatim të forumeve të partisë pas analizës së zgjedhjeve, Berisha la të kuptohet se nuk priten ndryshime.

LEXONI GJITHASHTU:

• Berisha: Rama po bën presion të ndryshojë raportin përfundimtar për zgjedhjet
• Berisha kundër Kodit të Ri Penal: Liron të dënuarit e përjetshëm, burgos qytetarët