A po trembet Erdogan nga lufta në Izrael? Gazetari jep detaje

Sokol Brahaj, gazetar në Turqi tha në një intervistë për Euronews Albania se retorika e ashpër e Erdogan ndaj ndërhyrjes së SHBA në konfliktin mes Hamasit dhe Izraelit lidhet me frikën e zgjerimit të kësaj lufte me shtete si Irani.

Sipas tij, vihet re një ndryshim në qëndrimin e Erdogan ndaj Izraelit, të cilin për shumë kohë ai  e ka cilësuar si shtet terrorist që bën gjenocid, pasi Turqia po synon të marrë rolin e kryenegociatorit në këtë konflikt, njësoj si në konfliktin mes Rusisë dhe Ukrainës.

“Deri tani, në deklaratat e hapura, Erdogan e ka cilësuar Izraelin shtet terrorist që bën gjenocid. Këto deklarata kanë qenë edhe para zgjedhjeve, por nëse e shohim 5 ditët e fundit, me hedhjen e raketave nga Hamas në Izrael, Erdogan ka qenë shumë i paanshëm në deklaratat e tij. Për herë të parë e thotë se Turqia është gati të jetë kryenegaociatore si në konfliktin Rusi-Ukrainë. Thirrjet që SHBA të qëndrojë larg konfliktit vjen pasi përshkallëzimi i luftës do merrte përmasa të mëdha se mund të përfshihet Irani, Hezbollah dhe gjithë rajoni. Frika e Ankarasë është se me ndërhyrjen e SHBA mund të ketë një zgjerim të luftës me Iranin, Libanin apo Egjiptin”, tha gazetari.

LEXONI GJITHASHTU:

• “Mesazh Hamasit dhe Hezbollahut”, gazetari izraelit: Erdogan në situatë delikate
• Erdogan para kishës, kërkesa e tij për luftën në Izrael