Aksident i rëndë në Divjakë, 1 i vdekur dhe disa të plagosur

Një aksident i rëndë me pasojë vdekje ka ndodhur pasditen e kësaj të marte në Divjakë. Bëhet me dije se një automjet tip “Benz” ka dalë nga rruga në aksin “Gradishtë-Spolat”, duke bërë që të ndërrojë jetë dejtuesi i mjetit.

Ndërkohë që raportohet se janë plagosur dhe 4 pasagjerët e tjerë që udhëtonin me të.

Të lënduarit janë dërguar me urgjencë në spital, ku po marrin kujdesin e nevojshëm mjekësor.

Grupi hetimor dhe policiua ndodhen në vendngjarje dhe po punojnë për zbardhjen e rrethanave të aksidentit.

“Rreth orës 16:30, në aksin rrugor “Gradishtë-Spolat”, shtetasi L. D., duke drejtuar automjetin tip “Benz” ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë, ka ndërruar jetë drejtuesi i automjetit dhe janë dëmtuar pasagjerët, shtetasit Xh. S., 19 vjeç, R. D., 23 vjeç, F. C., 18 vjeç dhe D. D., 24 vjeç, të cilët ndodhen në spital, nën kujdesin e mjekëve.

Grupi hetimor po punon për zbardhjen e shkaqeve të aksidentit”, thuhet në njoftimin e policisë.

LEXO GJITHASHTU:

• EMRI| Arrestohet autori i vrasjes së Edmond Papës, në kërkim bashkautori
• Kush e organizoi vrasjen e Edmond Papës, lidhja me ekzekutimin makabër të Sadikajt
• Vrasja e kuksianit në Prizren, autori i dyshuar personazhi i njohur si “Kobra”