“Aksidenti me 5 viktima”, Eksperti rrugor: Shkak ishte makina e kalbur nga brenda

Eksperti i sigurisë rrugore Gëzim Hoxha tha në një intervistë për “Good Morning Albania” mëngjesin e kësaj të enjteje se një nga shkaqet e aksidenteve rrugore me vdekje janë edhe makinat e vjetra.

Ai tha se shpesh njerëzit i marrin makinat e vjetra për të kursyer sado pak, apo për të mos tejkaluar buxhetin, por shpesh ato janë të kalbura nga brenda dhe gjatë aksidenteve përthyen duke u marrë edhe jetën njerëzve brenda.

“Te ne akoma ka automjete të vjetra. Në Greqi 5 persona humbën jetën në aksident. Po të vëmë re atë makinën, ajo thuajse është shtypur fare, kjo vjen për shkak të shpejtësisë që kanë pasur dhe të forcës kundërshtuese që ka pasur kamioni përball.

Nuk duhet të harrojmë se makinat e reja, janë të forta dhe nëse do të ishte një makinë tjetër, probabiliteti që të humbnin jetën të 5 do të ishte më i vogël. Pse? Makinat e vjetra që ne i blejmë se kaq e kemi buxhetin, janë të kalbura nga poshtë, ato përthyen bëhen si sanduiç dhe i vrasin njeërzit që kanë brenda”,-tha eksperti rrugor Gëzim Hoxha.

LEXONI GJTIHASHTU:

• Rishfaqet Prigozhini, konfirmon largimin e Wagnerit nga Ukraina
• Van Damme në Kosovë, Haradinaj ndan fotot me aktorin e njohur