Alarm për bomba në Shkup, policia e RMV: Kemi disa persona të arrestuar

Mëngjesin e kësaj të marte, Shkupi u zgjua përsëri nën kërcënimin e bombave.

Nëpërmjet mesazheve elektronike nga adresa jashtë shtetit, denoncuesit kanë pretenduar se kanë vendosur bomba në shumë objekte të rëndësishme, ku grumbullohen numër i madh njerëzish si Qendra Tregtare e Qytetit, Presidenca, dhe godina të tjera publike.

Policia e Maqedonisë së Veriut deri më tani ka arrestuar disa persona që lidhen me denoncimet e mëparshme, por nuk ka arritur ta krijojë fotografinë e plotë për atë se kush qendron prapa kësaj skeme disa mujore.

“Ne po punojmë në zbardhjen e këtyre rasteve në bashkëpunim edhe me shërbimet dhe policitë e vendeve pjesë e Interpolit dhe NATO-së. Deri më tani kemi arrestuar disa persona që kanë lidhje me këto denoncime në disa qytete. Këto sulme hibride për neve janë prioritet dhe nuk do të ndalemi derisa t’i zbardhim”, u shpreh Toni Angellovski, zëdhënës i policisë.

Kjo gjendje alarmi nuk është fotografi e re për Maqedoninë e Veriut.

Këtë gjendje të cilës policia nuk po arrin të ja gjejë gjenezën autoritet e vendit e lidhin me përcaktimet e shtetit pro Bashkimit Evropian dhe Ukrainës, ndërsa kujtojnë që edhe rajoni po përballet me situatë të ngjashme.

Adresat prej ku dërgohen mesazhet elektronike janë kryesisht nga jashtë ndërsa kjo e vështirëson hetimin edhe më shumë.

LEXONI GJITHASHTU

• Sveçla: Në veri të Kosovës u konfiskuan 6.300 municione të kontrabanduar nga Serbia
• Kurti: T’i përmbahemi propozimit evropian, jo interesit të njërës palë
• Provokon artistja/ Pikturon Kurtin dhe Vuçiçin duke u puthur në buzë, mesazhi që jep