Ambientalisti ngre shqetësimin: Resortet do shkatërrojnë zonat e mbrojtura

Zonat e mbrojtura rrezikojnë ta humbasin statusin e të transformohen nga ndërtimet. Ndryshimet në “Ligjin e vitit 2017, tashmë u japin të drejtë bashkive të menaxhojnë të paktën 20% të territorit të tyre dhe të miratojnë projekte ndërtimi.

Ambientalisti Lavdosh Ferruni tha në një intervistë për Euronews Albania se ky ligj do të shkatërrojë zonat e mbrojtura  pasi do t’i hapë rrugë ndërtimit të resorteve dhe ndërhyrjes në mjedis.

“Është një ligj skandaloz se e vetmja gjë që ndodh me të është që ruan kufijtë e zonave të mbrojtura siç kanë qenë, e gjithë pjesa tjetër, varet vetëm nga një firmë  e kryeministrit dhe gjithçka mund të bëhet. Mund të ndërtohen HEC-e, mund të shpohet për  naftë me idenë që është për interes kombëtar. Elementi i zhvillimit të turizmit është më spekulativ; nuk mund të pritet nga resortet që të ketë një zhvillim të komunitetit. Ajo që ka sens është që turizmin ta zhvillojnë ata që banojnë pranë këtyre zonave të mbrojtura, kjo i jep përfitim komuniteteve rurale dhe ekonomisë. Resortet janë vetëm shkatërrim për ato zona, ku do gjenerohen më shumë mbetje dhe do ketë mjetë të rënda”, tha ambientalisti.

LEXONI GJITHASHTU:

• Ndërtime në Parqet Kombëtare/ Çfarë parashikon ligji për zonat e mbrojtura
• Ligji për zonat e mbrojtura/ Rama: 100% dakord me BE, vizioni Shqipëria 2030