Anija me turistë francezë mbërrin në Vlorë

Mëngjesin e së enjtes ka mbërritur në Portin e Vlorës kroçera ‘La Belle de L’Adriatique’. Megjithëse me një numër të vogël turistësh në bord, ajo konsiderohet si një shenjë e mbarë për fillimin e sezonit turistik në qytetin e Vlorës.

Bëhet fjalë për rreth 70 turistë kryesisht nga Franca, të cilët pas mbërritjes janë nisur për të vizituar Apoloninë në Fier dhe Beratin.

Turistët kanë mbërritur nga porti i Dubrovniku në Kroaci dhe ata do të qëndrojnë vetëm disa orë n në Shqipëri, pasi rreth orës 22:00 do të largohen.

Vlora ende nuk ka një port jahtesh. Me zhvendosjen e portit industrial në zonën e Triportit, në portin e ekzistues do të krijohet mundësi për ankorimin e mjeteve lundruese luksoze.

‘La Belle de L’Adriatique’ është një anije turistike që kryen udhëtime në ishujt kroatë, Malin e zi, Qipro dhe ishujt e Greqisë.

E ndërtuar në 2007 ajo ka një kapacitet për të akomoduar 198 pasagjerë.