Arrestohet 66-vjeçari në Memaliaj, kultivonte kanabis në tokën e tij

Polica në Memaliaj ka arrestuar një 66-vjeçar i cili kultivonte bimë narkotike të llojit kanabis sativa.

Në kuadër të operacionit të koduar “Territori i pastër” u vu në pranga shtetasi N. H., 66 vjeç, banues në fshatin Toç, bashkia Memaliaj.

Ky shtetas sipas policisë dyshohet se ka kultivuar në një sipërfaqe toke në këtë fshat, 77 bimë narkotike kanabis sativa, të cilat u asgjësuan nga Policia, me anë të djegies.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme, për veprën penale “Kultivimi i bimëve narkotike”.

LEXONI GJITHASHTU:

• Asgjësohen 24 759 bimë kanabis në Velipojë, shpallen në kërkim 3 vëllezër
• Kapen parcelat me kanabis, policia asgjëson 7378 bimë narkotike në Vaun e Dejës