“As ka vrarë, as ka kërcënuar”, Ilir Kulla: Dritan Goxhaj akuzohet për fjalën e lirë

Eksperti i çështjeve të sigurisë Ilir Kulla ishte këtë të enjte në një intervistë për Euronews Albania për të folur rreth arrestimit dhe kërkesës për ekstradim të Dritan Goxhaj.

Kulla tha se ish-ushtari i UÇK nuk akuzohet për krime lufte, por për fjalën e lirë. Sipas tij pretendimet se Goxhaj pengon drejtësinë vijnë vetëm sepse ky i fundit ka publikuar një shkrim ku mes të tjerave e ka quajtur anti-shqiptare Gjykatën e Hagës.

“Dritani nuk akuzohet në raport me historitë e luftës. Dritan Goxhaj akuzohet për fjalën e lirë. Ai akuzohet për pengim të drejtësisë, çfarë është pengimi i drejtësisë, të thuash se kjo gjykatë është anti-shqiptare?

Meqë zoti Dritan nuk ka vrarë njerëz, nuk ka shpërndarë drogë, nuk ka bandë kriminale nuk ka bërë kontrabandë, nuk ka kërcënuar njeri, nuk ka rrahur njeri, nuk ka shkelur njeri me makinë, nuk ka bërë asnjë vepër penale të nivelit të ulët.

Dritan Goxhaj ka shprehur vetëm opnionin e tij në raport me këtë gjë. Unë mendoj se është në dinjitetin e shtetit shqiptar që një shtetasi të tillë t’i thotë të rrijë në detyrim paraqiteje deri sa shteti i Kosovës, apo gjykata speciale të sjelli dosjen e plotë të pretendimeve”,-tha Ilir Kulla.

LEXONI GJITHASHTU:

• “Shkrimi që futi Dritan Goxhaj në burg”, Avokati: Ja çfarë publikoi…
• Arrestimi i Dritan Goxhajt, Prokuroria e Tiranës sqaron akuzat