Auron Tare: Ka nisur transformimi i Butrintit, po bëhen restorante

Studiuesi Auron Tare ishte këtë të mërkurë në “Now me Erla Mëhillin” për të folur për parkun Kombëtar të Butrintit.

Ai tha se në parkun e mbrojtur nga UNESCO janë bërë ndërhyrja e madje po bëhen kafene e restorante. Duke treguar pamjet satelitore të Butrintit nga sipër, Tare tha se kjo situatë në Parkun Kombëtar vjen pasi qendra arkeologjike ua ka dhënë disa të huajve pa eksperiencë  që ta menaxhojnë.

“Në parkun kombëtar po bëhen rrugë. Këto nisën sivjet, bëhet plazh, restorant, kafene. Brenda zonës pasuri botërore e UNESCO-s dhe brenda zonës Ramsar, se Butrinti është edhe në konventën e Ramsarit.

Rruga ka dy vite që është bërë. Nuk janë bërë me asnjë vendim. Kjo është gjendja e gushtit të 2023. Nuk mund të ndodh kjo kur qendra arkeologjike ua jep ca të huajve ta menaxhojnë, që s’kanë fare eksperiencë, pjesën tjetër lërja shtetit dhe ja ça ndodh”,-tha studiuesi.

LEXONI GJITHASHTU:

• “Ilir Kulla shkoi në SPAK për Metën”, gazetari zbërthen hetimet
• Kthehet përmbys makina në Rrugën e Arbrit, çifti i të rinjve shpëton pa lëndime