Avokati Daci: Urdhri i mbrojtjes, në shumë raste është shkaku i krimeve në familje

Avokati Jordan Daci thotë se në shumë raste, urdhrat e mbrojtjes që jepen në vendin tonë përbëjnë shkak për krimet në familje.

Në emisionin “Review” në Euronews Albania, Daci u shpreh se nuk mund të jepet urdhër-mbrojtjeje, kur gruaja dhe burri jetojnë në një shtëpi.

“Duhet të kemi parasysh që dhuna në familje është një fenomen mbarë botëror. Në të gjithë botën, trajtimi është pak a shumë i ngjashëm me trajnimin tonë. Dallimi midis mënyrës se si qaset bota me ne, është vetëm një ose dy segmente, të cilat padyshim që bëjnë një dallim të qënësishëm.

Urdhri i mbrojtjes te ne, në shumicën e rasteve, është shkaku i vetë krimit. Jep urdhër-mbrojtjeje dhe të dy janë në të njëjtën banesë. Ka kuptim? Shteti duhet të investojë në qendra të cilat bëjnë të mundur që pavarësisht se është dhunues njëri, nuk mund ta flakësh në rrugë, se po e flake në rrugë do bëjë një krim më të rëndë”, theksoi ai.

LEXONI GJITHASHTU

• ‘U burgos 3 herë për dhunë’, rrëfimi trishtues i 54-vjeçares që kërcënohet nga burri
• Mulaj: T’i vendosësh një polic te dera çdo gruaje të dhunuar, s’është zgjidhje
• Ngjarja në Kosovë, Shala: Policia nuk zbatoi urdhrin e mbrojtjes për 30-vjeçaren