Avokati “hedh poshtë” përgjimet për Çyrbjan, përplaset me zyrtarin e PD

Avokati Arbër Hoxha tha në emisionin Now në Euronews Albania se transkriptet e nxjerra nga platforma SKY ECC lidhur me ish-deputetin socialist Jurgis Çyrbja janë të pasakta, pasi janë prerë me fragmente.

Sipas tij, pretendimet se Çyrbja ka influencuar mbi organet e drejtësisë janë të pabazuar në fakte.

“Sky Ecc është një platformë e enkriptuar si çdo platformë e META. Të gjitha janë të enkriptuara nga skaji në skaj, kushdo që e ka përdorur nuk ka qenë i paligjshëm. Nëse është përdorur për arsye kriminale këtë e thonë vetëm organet ligjzbatuese, as prokuroria e posaçme jo. Në lidhje me temën e Çyrbjas, pretendohet se është një lumë mesazhesh telenike me Altin Hajrin që lidhte me rrëmbimin dhe vrasjen e Jan Prengës, por Gjykata e Lartë me vendimin e 25 korrikut 2024 thotë që Festim Bizhdili dhe Altin Hajri nuk kanë marrë peng apo vrarë askënd. Çyrbja pretendohet se ka influencuar mbi organet e drejtësisë, mbi kë ka ndikuar? Transkriptet janë të pasakta, se janë prerë me fragmente. Nuk ka krim të organizuar në Shqipëri”, tha avokati.

LEXONI GJITHASHTU:

• Arrestimi i Çyrbjas dhe Salianjit, betohen në Kuvend dy deputetët e rinj nga PS e PD
• U arrestua 2 ditë më parë, ish-deputeti Jurgis Çyrbja del sot në GJKKO