Avokati tallet me opozitën: U futën në çadër dhe s’dinin si të dilnin…

Avokati Leonard Karaj tha në një intervistë për Euronews Albania se aksion i opozitës në parlament po vazhdon për inerci dhe i shërben vetëm mazhorancës.

Sipas tij, mazhoranca e ka treguar se nuk ka ndërmend të tërhiqet përballë kërkesës së opozitës për komisionet hetimore dhe nga ndërkombëtarët gjithashtu nuk pritet asnjë reagim.

“Që nga tetori kur nisi mosbindja parlamentare e opozitës, nuk kam dëgjuar asnjë analist apo politikan që të thotë që kërkesa e opozitës në lidhje me komisionet nuk qëndron.  Ata kanë kërkuar 7-8 komisione që  janë pika nevralgjike të qeverisë. Opozita ka marrë nisma të mira politike, por ka ditur fillimin jo fundin, u  futën në çadër dhe nuk dinin si të dilnin. Edhe kjo mosbindja  parlamentare vazhdon vetëm për inerci, që është në favor të mazhorancës. Nuk ka më asnjë sihariq nga ndërkombëtarët se nuk kemi as ndërkombëtarë”, tha avokati.

LEXONI GJITHASHTU:

• Deputeti i PD shkon me xhaketën me dollarë në parlament, ironizon hapjen e basteve
• Alibeaj prezanton amendamentin e PD për amnistinë penale në Komisionin e Ligjeve