Avokati: Vendimi i gjykatës për vulën i vonuar, e shqyrtuan si çështje të rëndomtë

Avokati Redi Rama komentoi në emisionin “Review” në Euronews Albania, vendimin e gjykatës për të mos i dhënë vulën e Partisë Demokratike ish-kryeministrit Berisha.

Rama tha se çështja u shqyrtua nga drejtësia e re si një çështje e rëndomtë dhe vendimi u dha në limitet e regjistrimit në zgjedhje.

Ai shtoi se tashmë për regjistrimin në zgjedhje nuk sheh më zgjidhje ligjore nga PD Berishës, ndaj ai theksoi që zgjidhja duhet të jetë politike.

“Mendimi i gjykatës së Apelit është i vonuar në kohë. Është dhënë në limitet maksimale të regjistrimit të partive politike për zgjedhje.

Ka vepruar njësoj si të gjitha çështjet e tjera, e ka trajtuar si një çështje të rëndomtë e cila nuk ka interes për publikun.

Në një kohë që është kreht e kundërta, pasi përfshihet Partia Demokratike që është një aset kombëtar për gjithë opozitën, pavarësisht diskutimeve këtu.

Fakti që diskutohet demokracia, kur një parti nuk mund të regjistrohet dot në zgjedhje dhe gjykata nuk ka kohë të shprehet përgjatë 1 viti.

Është fatkeqësi për Shqipërinë dhe janë fajtor këta politikanë që miratuan këtë reformë në drejtësi dhe me atë vendim që dha.

Zgjidhje ligjore unë shoh pak. Kush është opozitar dhe mendon për të ndryshuar kryetarët e bashkive do të ishte mirë të gjendej në zgjidhje politike”, tha Rama.

LEXO GJITHASHTU:

• E zbulon këshilltari i Berishës: Si do të regjistrohemi në zgjedhjet e 14 majit
• E zbulon këshilltari i Berishës: Si do të regjistrohemi në zgjedhjet e 14 majit
• Gazetari: Ja si Berisha mund të hyjë në zgjedhjet lokale