“Babi më dhemb koka!”, rrëfimi rrëqethës i babait që humbi djalin 6 vjeç në Gërdec

Feruzan Durdaj i cili humbi djalin e tij 6-vjeçar në tragjedinë e Gërdecit, ka rikujtuar sot, pas 15 vitesh momentet e fundit të kaluara me të voglin e tij.

Në një intervistë për Euronews Albania ai ka kujtuar edhe një herë momentin e parë kur mori vesh se djali i tij i vogël ishte plagosur nga shpërthimi në fabrikën e municioneve në Gërdec dhe përpjekjet e tij për ta shpëtuar. E ndërsa kujton fjalët e fundit të 6-vjeçarit Feruzan Durdaj nuk arrin t’i mbajë lotët.

“Më thanë se në Tiranë shkuan të gjithë të plagosurit. Kam vajtur në spitalin e ushtarakut për të kërkuar tim bir. Më vjen një telefonat e më thonë e ke te spitali i djegies. Shkova atje, djali nuk reagonte.

Djalin e kam çuar në Itali, llafet e fundit që i mbaj mend tim biri ishin, “babi më dhemb koka, më dhemb barku”, kaq mbaj mend, pastaj djali ndërroi jetë në 4 prill. Ishte një koincidencë e madhe kur ndërroi jetë djali.

E solla djalin nga Italia dhe pash që politika po gëzohej sepse kishim hyrë në NATO. Ishte një vuajtje shumë e madhe nga ana ime shpirtërisht. Kur fëmija nuk e dinte se ç’ishte baruti, politikanët qeshnin dhe gëzonin se ne po futeshim në NATO”.

LEXONI GJITHASHTU: 

• Djali humbi jetën në Gërdec, babai: Atë ditë politikanët festuan hyrjen në NATO
• “Babain e gjetën të vdekur pas 2 ditësh në Gërdec”, flet familjari: Ende kam ankth
• “Pse nuk jeton djali im?”, Nëna s’mban lotët pas 15 viteve nga ngjarja e Gërdecit