Baçi: Keqardhje për incidentin në komision, mazhoranca na mohon të drejtat

Deputeti Luan Baçi, ka komentuar përplasjet që ndodhën mesditën e sotme mes deputetëve të PD-së, në Komisionin e Medias.

I ftuar në Euronews Albania, ai tha se ka një vendim të Grupit Parlamentar të PD për vazhdiminë e aksionit opozitar për aq kohë sa mazhoranca u mohon të drejtat.

“Nuk është mirë që ne të japim atë konfiguracionin e përplasjes mes deputetëve të PD-së. Nuk ishte vetëm Brdhi e Noka aty, ndaj nuk duhet të personalizohet. Aty ishte gjithë grupi parlamentar i PD-së.

Ka një vendim të Grupit Parlamentar të PD për vazhdiminë e aksionit tonë opozitar për aq kohë sa mazhoranca vazhdon ngul këmbë për të mohuar të gjitha të drejtat që ne na takojnë me Kushtetutë në Parlament. Ne kemi protestuar paqësisht në komisione dhe drejtuesit e komisioneve kanë lënë mbledhjen”-tha ai.

LEXONI GJITHASHTU: 

• Juventusi fiton me 3 gola, diferenca me Interin sërish 2 pikë
• Ministria i përgjigjet Luiza Gegës, Manastirliu: Vazhdojmë të mbështesim garat e saj