Bardhi në Konferencën e Kryetarëve: Të zbatohet vendimi i Kushtetueses për Xhaçkën

Kryetari i Grupit Parlamentar të Partisë Demokratike, Gazment Bardhi ka kërkuar gjatë mbledhjes pa media te Konferencës së Kryetarëve që të zbatohet vendimi i Gjykatës Kushtetuese për mandatin e deputetes Olta Xhaçka.

Bardhi në fjalën e tij kërkoi që maxhoranca të mos e zvarrisë çështjen duke e ërhuar dhe njëherë çështjen në Këshillin e Mandateve.

Ndërkohë që kryeparlamentarja Lindita Nikolla deklaroi gjatë mbledhjes se Këshilli i Mandateve do të mblidhet të hënën (8 prill) dhe do të vijohet me procedurën.

Bardhi: Të kujtoj se mos zbatimi i vendimeve te Gjykatës Kushtetuese, përbën vepër penale. Në shkelje të Kushtetutës ju si kryeparlamentare dhe si maxhorancë po refuzoni të zbatoni vendimin e Gjykatës Kushtetuese.

Keni nxjerr justifikime absurde nga janari i vitit 2023 e deri më sot. Kjo praktikë e Gjykatës Kushtetuese, është praktikë e njohur, por ju bëni sikur nuk e kuptoni dhe e zvarrisni. Doni ta ktheni edhe një here tek Këshilli i Mandateve ku vendimet e këtij këshilli kanë qenë subjekt i shqyrtimit ne Kushtetuese.

Nikolla: Të hënën do të mbledhim Këshillin e Mandateve për këtë çështje për të vijuar procedurën.

Bardhi: Procedura thotë se çështja do të duhet të vijë në Kuvend. Por ju kërkoni ta zvarrisni..

Kujtojmë se Gjykata Kushtetuese në janar 2023 shfuqizoi si antikushtetues vendimin e Kuvendit për të bllokuar dërgimin për interpretim në këtë gjykatë të mandatit të Xhaçkës, pasi bashkëshorti i saj u shpall “investitor strategjik”.

LEXONI GJITHASHTU:

• Bashkëshorti i ish-ministres Olta Xhaçka në SPAK
• SPAK sekuestron 5512 m2 truall të bashkëshortit të ish-ministres Xhaçka