Basha apo Berisha? Fatbardh Kadilli flet për të ardhmen e PD-së

Ish-deputeti Fatbardh Kadilli, është shprehur se sjellja e Lulzim Basha është identike se ajo e Sali Berishës, duke shtuar më tej se këtë sjellje e ka mësuar prej tij.

I ftuar në Euronews Albania, ai theksoi se fakti që Basha sillet njëjtë si Berisha e bën atë të pabesueshëm.

Më tej theksoi se PD ka lindur më e madhe se Berisha duke hedhur akuza se ajo është zvogëluar nga ky i fundit.

“Në mënyrë absolute sjellja e Lulzim Bashës ka qenë identike si e Sali Berishës madje besoj e mësuar prej tij.  Ka qenë ai që ia ka dhënë të gjitha pjesët e politikës. Kjo e bën të pabesueshme Lulzim Bashën. Kjo situatë e sotme ka dhe përgjegjësinë e tij. E dyta, a do bëjë Basha një parti më të madhe se vetja e tij, a do arrij ai  të krijoj partneritet politik në partinë e tij. Kjo ka rëndësi për qindra njerëz që kanë gatishmëri, integritet.  Berisha këtë s’mund ta bëjë. PD ka lindur më e madhe se Berisha dhe Berisha e zvogëlojë. Basha ka qenë i dominuar nga Berisha”- tha ai.

LEXONI GJITHASHTU: 

• “Dëgjoj zëra, flas me djallin”- Dëshmia e 52-vjeçarit që vrau të riun nga Lezha
• Pasojat e shembjes së digës në Ukrainë, 35 lokalitete ende të përmbytura