Baton Haxhiu: Kurti mashtrues, më vjen keq për kryeministrin tim

Analisti Baton Haxhiu ishte këtë të martë i ftuar në Euronews Albania ku ka komentuar ndër të tjerat qëndrimet e kryeministrit të Kosovës, Albin Kurti kundrejt ndërmjetësit europian të dialogut Miroslav Lajçak.

Sipas Haxhiut, Kurti ka gabuar me  deklaratën e tij në konferencën për shtyp të mbajtur një ditë më parë, ku kërkoi largimin e Lajçak nga procesi dhe e akuzoi të dërguarin e BE-së se është pozicionuar krahë serbisë.

Analisti tha se Kurti ehte treguar mashtrues dhe se atij i vjen keq për kryeministrin e vendit të tij.

“Mashtrues. Mua më vjen keq për kryeministrin tim. Sinqerisht më vjen keq. Në këto pozicione politike, kur je i pafuqishëm dhe targeton emra të përveçëm për të fituar vota dhe për të shkatërruar vendin është tragjike.

Lajçak është përfaqësues i 27 vendeve të bashkimit europian. Borrell është ministër i jashtëm i 27 vendeve të bashkimit europian. Mandatin për të negociuar Lajçak ia ka dhënë edhe Amerika, për arsye se është vëzhgues i procesit, për arsye se kanë konsideruar se Kosova dhe Serbia janë dy vende që janë pretendues në Bashkimin Europian dhe i takon Bashkimit Europian ta rregulloj këtë punë.

Mos hyrja e Amerikës në këtë proces direkt është gjithashtu kusht që të largohet Rusia e të mso jetë pjesë e këtij procesi. Këto janë parakushtet e këtij procesi, ndërsa ky del e në konferencë për shtyp kërkon largimin e Lajçakut”,-tha Baton Haxhiu në studion e Euronews Albania.

LEXONI GJITHASHTU:

• Trendi i kirurgjisë estetike/ 15-vjeçarët duan hundë si Kim Kardashian
• “Helsinki” publikon raportin për zgjedhjet e 14 Majit, problematikat e gjetura