Beqiri: Protesta është personale e Berishës dhe Metës, po i bëjnë dhuratë Ramës

Avokati Idajet Beqiri ka komentuar protestën e 6 dhjetorit që do të zhvillohet nga opozita pikërisht në ditën që në Tiranë mblidhet samiti i BE-Ballkani Perëndimor.

Në një intervistë për Euronews Albania, Beqiri tha se Berisha i ka shkuar në fund rrugës vet me shpalljen “Non Grata” nga SHBA.

“Rruga e Berishës, është kryer, është një njeri që ka shkuar në fund të rrugës së vet, dhe  fundi i rrugës së tij ishte vendimi i SHBA të cilat e konsideruan “Non Grata”. Ai nuk ka çarë humbet dhe çfarë fiton më. Ai luan me kokën dhe kjo protestë është personale e tij dhe e Ilir Meta. Ka negativitete dhe pozitivitete që po i bëhen qeverisë”-theksoi ai.

Ndër të tjera ai theksoi se me këtë protestë kreut të qeverisë Edi Rama po i bëhet dhurata më e bukur.

“Me këtë protestë Ramës po i bëhet dhurata më e bukur.

Shqipëria tani është një faktor i rëndësishëm dhe është vendi që u zgjodh si vendi me një diplomaci të mençur dhe ka një mbështetje diplomatike ndërkombëtare”- tha ai.

LEXONI GJITHASHTU: 

• “S’jam i çmendur”, Vuçiç nuk tërhiqet: Serbët s’do vuajnë më terrorin e Kurtit
• Berisha akuzon ambasadorin britanik: Ka shpifur, do i bëj të gjitha publike