Berisha e cilëson ‘nul’ përjashtimin nga grupi i PD

Ish-kryeministri Sali Berisha ka marrë sot pjesë për herë të parë në mbledhjen e Grupit Parlamentar të Partisë Demokratike që prej pezullimit dhe përjashtimit.

Berisha duke folur për mediat në përfundim të mbledhjes tha se e cilësonte ‘nul vendimin’ e marrë nga kryetari i larguar, Lulzim Basha.

“Vendimi që pretendon Alibeaj është nul”, tha Berisha.

Kërkesës për të bërë një hap pas, ish-kreu i PD iu përgjigj duke thënë se ‘të krahasosh fituesin me humbësin është një gabim i madh logjik’.

Për deklaratën se në PD nuk mund të ketë persona ‘non grata’ Berisha, tha se për këtë çështje ka folur anëtarësia e partisë.

“Ajo është zgjedhje e tij, por demokratët kanë folur më 11 dhjetor, 18 dhjetor kanë folur më 6 mars”, shtoi kryeministri.

Sipas Berishës është ‘rast unik që PD të bashkohet edhe në diversitetin e saj’.

“Ka një diversitet, që e bën edhe më demokratike PD”, tha Berisha duke iu referuar grupimit që mbështet atë dhe grupimit tjetër pro Bashës.

Berisha u pezullua si anëtar i PD në shtator 2021, pasi ishte shpallur ‘non grata’ nga SHBA dhe më pas në janar 2022 u përjashtua nga partia pak pas Kongresit të thirrur prej tij.

LEXONI GJITHASHTU:

• Berisha të tërhiqet që demokratët të bashkohen, thotë Alibeaj
• Debate mes Berishës dhe Alibeajt në mbledhjen e Grupit Parlamentar