‘S’ka më gjyqe politike’, Berisha: Çështjen Salianji do ta bëjmë ndërkombëtare

Kryetari i Partisë Demokratike Sali Berisha e cilësoi dëshmi të rikthimit të proceseve staliniste, gjyqin ndaj deputetit të Partisë Demokratike Ervin Salianji.

Në një deklaratë për mediat Berisha tha se Partia Demokratike do ta kthejë në një çështje ndërkombëtare çështjen Salianji dhe nuk do të pranojë që në Shqipëri të rikthehen procese politike.

Kryetari i PD kërkoi ndjekje penale për ish-kreun e policisë Ardi Veliu dhe ish-funksionarëve të tjerë në kohën që ai drejtonte policinë si të përfshirë në ‘trafiqet e SHISH që manipulojnë dhe falsifikojnë prova”.

Çështja “Babale” rikthehet sot në qendër të vëmendjes dhe debatit politik, pasi do të shqyrtohet në Gjykatën e Apelit të Tiranës. Para trupës gjyqësore do të dalë deputeti i Partisë Demokratike, Ervin Salianji dhe gazetari Jetmir Olldashi.

Deputeti Salianji u shpall fajtor për veprën penale kallëzim i rremë në lidhje me çështjen “Babale” dhe gjykata kërkoi 1 vit burg për të.

LEXONI GJITHASHTU:

• Berisha akuza ndaj Ramës dhe Xhafajt: Dua t’i marrin mandatin Salianjit
• Salianji sot para Apelit për ‘Babalen’, Alibeaj e Berisha e marrin në mbrojtje