Berisha-Ramës: Je nën hetim, do bëjmë gjithçka që të ta heqim imunitetin diplomatik

Kreu i PD-së Sali Berisha ka akuzuar kreun e qeverisë Edi Rama se ka kryer krim përsa i përket çështjes McGonigal.

Në fjalën e tij në Kuvend ai tha se është pashembullt në histori që një kryeministër të vërë në dispozicion të tij, të gjithë shtetin, për të bërë luftën më monstruoze, më të turpshme kundër pluralizmit dhe opozitës.

Më tej ai shtoi se do të bëjnë çdo gjë që t’i heqin imunitetin diplomatik kreut të qeverisë.“Ke kryer krim në SHBA. Prokurori i Përgjithshëm i SHBA tha se kush paguan punonjësit tanë për interesat e tyre, cenon sigurinë tonë kombëtare.
Ndaj, hiq çdo iluzion, je nën hetim, ke kryer krim. Sa do të mbajë imuniteti diplomatik, por do bëjmë gjithçka që të ta heqim atë. Ti ke vazhduar me McGonigal sistemin e gjobave 20 përqind që ushtroje me pasion të çmendur”- tha ai.

Më tej Berisha theksoi se Rama do të ketë fatin e McGonigal, në burg.

“Këtu në parlament keni qarkulluar mashtrimin se janë 152 të blacklistuar.
Çfarë bënit ju me këtë? Krijonit vetëm begraundin e gjobave që ekipi Rama-McGonigal vendoste nëpërmjet Nezës, Duçkës. Çfarë ishte ajo klimë që krijoi?  Ndaj u them: stop manipulimit me marrëdhëniet shqiptaro-amerikane.Ta dijnë shqiptarët se këta, së bashku me Yuri Kim, bënë njoftimin për largimin e ambasadores amerikane, me qëllimin e vetëm që të zgjatej qëndrimi i saj në Shqipëri.

Me SHBA na lidhin miqësi dhe vlera të jashtëzakonshme, por ata që manipulojnë me këto marrëdhënie, janë armiqtë më të mëdhenj të këtyre marrëdhënieve. Do vijë dita, të mësojë edhe shqiptari i fundit se çfarë malli jeni ju, se çfarë mafie e rrezikshme, se nuk keni interes tjetër përveç pasurimit tuaj.
Në traditën atërore tuajën, kundërshtarët janë për t’u zhdukur. Dhe monizmi është regjimi më i mirë. Përdorët McGonigal për të certifikuar, për të mbyllur vjedhjet tuaj, për të sulmuar antikorrupsionin në Shqipëri, ata që ditë e natë denoncojnë krimin. McGonigal shkoi aty ku e meriton si tradhtar i kombit të tij. E sigurt që edhe ti do shkosh aty ku e meriton edhe si tradhtar i demokracisë. Ndaj kërkoj me çdo kusht krijimin e komisionit me të drejtën kushtetuese.”- shtoi ai.

LEXONI GJITHASHTU: 

• Berisha shpërthen në Kuvend: Kaos nëse Rama nuk i përgjigjet pyetjeve për McGonigal
• Boçi: Rama të japë dorëheqjen, ktheu kryeministrinë në mejhane korruptive