Bisedat mes Trump dhe Netanjahut, diplomati: Izraeli me qasje të re…

Diplomati Arben Çejku ka folur në Euronews Albania lidhur me krizën mes Izraelit dhe Irani, teksa për regjimin e këtij të fundit, Çejku mendon se sa vjen e bie.

Diplomati thekson se Izraeli, me anë të SHBA-së ka realizuar edhe heqjen e kërcënimit bërthamor.

“Regjimi iranian është në rënie e sipër, në kalbëzim. Kushtet e marrëveshjes me Trump mesa duket ishin kushte mbijetese, deri edhe fizike por edhe politike. Tani do shohim se si do të reagojë Izraeli i cili nëpërmjet mbështetjes amerikane ka realizuar një nga objektivat, ka hequr kërcënimin bërthamor. Mendoj se Izraeli do ketë një qasje më interesante nga sa presim.

Ka një zhvillim në fjalët e Trump, aq sa janë bërë publike teksa deklaron se duhen ndaluar sulmet dhe orienton sesi duhet te veprohet, kjo tregon se bisedat kanë qenë shumë të ashpra dhe duket që Izraeli nuk është i kënaqur me këtë arritje, me kaq sa është arritur. Duhet parë se një nga personazhet kyç, është kreu i shtetit të Katarit në këto bisedime.

Për të kaluar nga armëpushimi tek dialogu dhe për një marrëveshje, është ende një rrugë e gjatë dhe e vështirë”, tha Arben Çejku.

LEXONI GJITHASHTU:

• Ambasadorja shqiptare në Izrael: Armëpushimi me Iranin ka rikthyer normalitetin
• Lëkundje në Nikël, sa ishte magnituta e tërmetit me epiqendër pranë Tiranës