Bogdani: Vendimet e KQZ-së dhe KAS-it të përkohshme, vendos Kolegji Zgjedhor

Ish-deputeti i Partisë Demokratike, Gerti Bogdani thotë se vendimet e Komisionit Qendror të Zgjedhjeve (KQZ) dhe Komisionit të Ankimimeve dhe Sanksioneve (KAS), në lidhje me vulën dhe logon e kësaj force politike, janë të përkohshme.

Në një intervistë për Euronews Albania, Bogdani u shpreh se në çdo proces zgjedhor, fjalën e fundit ndaj çdo ankese e ka Kolegji Zgjedhor.

“Kam përshtypjen që e gjitha është thjesht një show dhe një zhurmë për të vazhduar zallamahinë e kësaj situate të momentit. Edhe nëse janë marrë këto vendime nga KQZ dhe KAS, janë vendime që janë të përkohshme. Në çdo proces zgjedhor, fjalën e fundit ndaj çdo ankese e ka padiskutim Kolegji Zgjedhor.

Këto janë artifica të KQZ për t’i hedhur më shumë benzinë zjarrit, kësaj frymës së përçarjes. Është diçka që do marrë zgjidhje në Kolegjin Zgjedhor”, theksoi ai.

LEXONI GJITHASHTU

• Shtyhet seanca paraprake për Mediun në GJKKO, flet Zamira Durda
• Nis seanca për Mediun, ish-ministri mungon në GJKKO. Kërkesat e SPAK dhe avokatëve