Përfaqësuesi i lartë për Politikën e Jashtme në Bashkimin Europian, Zhozef Borell shpreson që kryeministri i Kosovës Albin Kurti dhe presidenti i Serbisë, Aleksandër Vuçiç të takohen para verës.
Pas përfundimit të mbledhjes së ministrave të Jashtëm të BE-së, Borell u shpreh se në këtë takim u diskutua për dialogun midis Kosovës dhe Serbisë.
Sipas tij, është e nevojshme që marrëdhëniet midis dy vendeve të normalizohen.
“Shpresoj se para verës do të mund të mbajmë një takim tjetër në nivelin më të lartë politik në mes të kryeministrit të Kosovës dhe presidentit të Serbisë. Ne kemi nevojë për angazhim konstruktiv dhe progres të shpejtë drejt normalizimit të marrëdhënieve ndërmjet Kosovës dhe Serbisë. Të gjithë janë dakord për këtë, por kur ulen bashkë, e kanë problem të përparojnë. Duhet të ndërtojmë besim”, tha Borrell.
LEXONI GJITHASHTU