Braçe kundër vendimit: E paligjshme vendosja e traut në Parkun e Divjakës

Deputeti Erion Braçe tha për Euronews Albania se protesta e sotme në Parkun e Divjakës për vendosjen e traut, është e organizuar nga Sali Berisha dhe nuk ka asnjë vlerë.

“Për protestën, do të them një tjetër akti i dhunshëm i PD-së të Sali Berishës dhe PD të këtyre të tjerëve, me militantë të tyre, kryesisht të ardhur nga Lushnja në Divjakë, e që nuk i vlen asgjëje, është zero”, tha Braçe.

Ai nënvizoi se vendosja e traut elektronik është një vendim i paligjshëm.

“Ajo që po ndodh me vendosjen e një gabine më mes të rrugës kombëtare nga autostrada në rotondon e Çermës deri në plazhin e Divjakës, është një akt i paligjshëm, veçanërisht të Kodit Rurgor. Vendosja e traut elektronik kthen me pagesë aksesin e lirë të qytetarëve në drejtim të plazhit. Është e vetmja rrugë kombëtare nga Velipoja deri në poshtë në Sarandë që tashmë do të ketë një tarifë për të shkuar në bregdet. Kjo është e paligjshme, kam 3 muaj që ua them çdo autoriteti, përfshi qeveritë, ministrinë që kjo gjë është e paligjshme”, tha më tej deputeti.

LEXONI GJITHASHTU:

• Hyrje me pagesë në Parkun e Divjakës, banorët përplasen me policinë, shkulin traun
• Deputetja Dhori: S’do të lejojmë që hyrja në Parkun e Divjakës të bëhet me pagesë
• Përleshen policia dhe protestuesit në Divjakë, flet Saimir Korreshi