Çdo grua duhet të lindë të paktën dy fëmijë, thotë mjeku

Mjeku gjinekolog Rustem Celami deklaroi se çdo femër duhet të lindë të paktën dy fëmijë, në mënyrë që një popullatë t’i rezistojë kohës.

Në emisionin “Good Morning Albanians” në Euronews Albania, Celami nënvizoi se në Shqipëri, sipas të dhënave zyrtare, koeficienti i lindshmërisë është 1.6.

Por sipas tij, ky mund të jetë edhe më i ulët.

“Një popullatë, që të riprodhohet, që të jetojë, që t’i rezistojë kohës, duhet që çdo femër të lindë 2.1, mbi dy fëmijë. Ky koeficient lindshmërie ka rënë në Shqipëri, zyrtarisht e kemi 1.6, por faktikisht me të dhënat reale mund të jetë më poshtë se 1.6. Ky do të jetë akoma më i ulët në një afat shumë të shkurtër”, theksoi ai.

LEXONI GJITHASHTU

• Gjinekologu: Sot fëmija mund të porositet, zgjidhet nëna surrogate
• Sinjale pozitive për lindshmërinë në Shqipëri pas rekordit historik në 2020-n
• Bie lindshmëria në Vlorë me 60%, Thanasko: Faktorë emigrimi dhe ekonomia