Çfarë ndodhi në Kurbin? Gazetari Ferhati tregon pse u shtuan forcat e policisë

Gazetari i Euronews Albania, Eni Ferhati ishte në Laç, aty ku u raportua për incidente.

Ai tregoi se në KZAZ-në nr.15 ka përfunduar procesi i numërimit, ku Majlinda Cara ka fituar përballë kandidatit të koalicionit “Bashkë Fitojmë” Behar Haxhiu, me një diferencë të ngushtë votash.

Pikërisht pranë kësaj KZAZ-je ishin mbledhur mbështetës të dy kampeve politike, gjë që kishte tensionuar situatën.

“Për këtë arsye janë shtuar masat e sigurisë duke sjellë shërbime shtesë të policisë, por nuk është se ka pasur incidente. Ka pasur festime më pas. Megjithëse u morën masa nga policia, simpatizantët nuk është se kanë arritur të konfliktohen apo të ketë përplasje fizike mes tyre,” – u shpreh Ferhati.

Gazetari theksoi se prania e policisë ka ardhur prej garës së ngushtë dhe numrit të lartë simpatizantëve.

LEXONI GJITHASHTU:

• Vijon procesi i numërimit të votave vetëm në Tiranë e Kurbin, ka incidente
• Rritet diferenca në Tiranë, kryeson PS me mbi 50 mijë vota