Champions League, nisin sot ndeshjet e dyta të fazës së ligës

Kompeticioni madhështor i Champions League nis këtë të martë javën e dytë të fazës së ligës, ku, ashtu si më herët, interesi mbetet i lartë. Kjo për faktin se gara është gjithmonë e paparashikueshme dhe spektakolare. Në fushë sonte zbresin ekipe si Real Madrid, që janë rekordmenët e kompeticionit, por edhe Liverpool, Bayern, Inter apo Chelsea.

Duele më interesante mund të konsiderohen Chelsea-Benfica dhe Galatasaray-Liverpool, por mbetet për t’u parë edhe se sa vështirë mund të hasë Reali në një transfertë si ajo e Kazakistanit apo Atletico Madrid që sfidohet nga gjermanët e Eintracht Frankfurt. Në Turqi, Galatasaray vendës, pas asaj humbjeje turpëruese përballë Frankfurtit, pret këtë herë Liverpool, me anglezët që cilësohen favoritë të padiskutueshëm për fitimin e sfidës.

Në Stamford Bridge ka një rikthim me peshë, një personazh i dashur për tifozët, Jose Mourinho, që vjen këtë herë si kundërshtar i bluve, njëkohësisht trajner i Benficës. Një rikthim të cilin më herët edhe vetë portugezi e vlerësoi, duke i thurur elozhe bluve, por që kërkon fitoren me skuadrën e tij.

Atalanta-Club Brugge dhe Kairat Almaty-Real Madrid luhen të dyja në orën 18:45. Në mbrëmje, krahas të tjerash, luhen edhe Bodo Glimt-Tottenham, Inter-Slavia Pragë, Marsejë-Ajax dhe Pafos-Bayern Munchen.

LEXONI GJITHASHTU:

• Crystal Palace i shkakton humbjen e parë Liverpoolit, Chelsea dhe United në krizë
• VIDEO/ Atletico Madrid turpëron Realin me pesë gola, fitore historike pas 75 vitesh