Chelsea vijon përgatitjet në prag të sezonit të ri futbollistik, ndërsa Armando Broja duket gjithnjë e më larg skuadrës.

Tekniku i emëruar pak muaj më parë, Enzo Maresca nuk e ka në plan sulmuesin kuqezi, duke i treguar këtij të fundit që qëndrimi tek blutë është i tepërt.

I padëshiruar për Chelsean, por jo për ekipet e tjera, teksa orëve të fundit është shfaqur zyrtarisht Southampton, i cili dëshiron transferimin e lojtarit. Këtë herë në formë blerje, ndërsa ka gati dhe ofertën për Armando Brojën, të cilin trajneri Martin e sheh si përforcimin e duhur.

Për 22-vjecarin do të ishte një rikthim në shtëpi, aty ku shkëlqeu përgjatë sezonit 2021-2022, asokohe në formë huazimi, ku realizoi 9 gola. Southampton u rikthye sërish në elitën angleze ndërsa po bën përforcime në prag të sezonit të ri, ku nuk përjashtohet dhe një kalim i Brojës atje.

Sulmuesi i kombëtares shqiptare e ka pasur të vështirë të gjejë hapësirë tek Chelsea e në periudhën Pochetinno, madje u huazua tek Fulham, ku edhe aty nuk mori minuta, duke shenjuar një tjetër epokë jo pozitive.

LEXONI GJITHASHTU:

• Pochettino largohet nga Chelsea, kush mund të jetë zëvendësuesi
• Tifozi shqiptar nga Gjermania: Broja gol me Kroacinë, do na bëjë krenarë