“Dashuria politike Rama-Meloni”, avokati: Ajo i beson verbërisht

Avokati Gentian Alimadhi e cilësoi një dashuri politike raportin mes kryeministrit shqiptar, Edi Rama dhe homologes italiane, Giorgia Meloni.

Sipas tij Rama është dinak dhe përfiton nga Meloni e cila i beson verbërisht Ramës.

“Unë them që në këtë raport dashurie midis të dyve, Meloni është e ndërgjegjshme e shkreta, i beson Ramës verbërisht. Ndërkohë Rama është një dinak shumë i zgjuar që mund t’ia ketë dhënë vetë ai këtë ide Melonit, hajde se do ta zgjidh unë problemin që ke ti. Edhe Rama vetë nuk beson që do të bëhet kjo punë, por fjalën e mirë e tha, kështu që nesër pasnesër kur Meloni të votojë, të japë një mendim për Shqipërinë në Evropë do të jetë pozitiv,” – u shpreh Alimadhi në një intervistë për “Goodmorning Albanians” në Euronews Albania.

Nga pranvera e vitit 2024, emigrantët e shpëtuar në Mesdhe nga anijet italiane do të transferohen në Shqipëri.

Memorandumi i mirëkuptimit i nënshkruar nga Edi Rama dhe Giorgia Meloni në Palazzo Chigi synon të pengojë largimet dhe trafikimin e qenieve njerëzore, si dhe të lehtësojë pikat e nxehta si ajo e Lampedusës, shkruan ANSA.

LEXONI GJITHASHTU:

• Zbardhet marrëveshja 5-vjeçare për emigrantët
• Marrëveshja/ Gazetarja: Si dështoi Meloni me emigrantët, i devijoi në Shëngjin