Eksperti i marrëdhënieve ndërkombëtare, Marlind Laçi komentoi në emisionin Now në Euronews Albania deklaratën e djalit të presidentit Trump i cili i cilësoi sulmet e NATO në Beograd në vitin ‘99 si përpjekje për të zbehur skandalin Klinton-Levinski.
Laçi u shpreh se kjo deklaratë është shqetësuese për shqiptarët dhe qasjen që mund të marrë Shtëpia e Bardhë nën drejtimin e Trump ndaj serbëve.
“Shqetësuese është marrëdhënia a djalit të Trump me presidentin Vuçiç. Është një temë që kultivohet te republikanët dhe kjo është e rrezikshme për shqiptarët nëse Shtëpia e Bardhë merr qasje pozitive ndaj serbëve në Ballkan, se qasjen pozitive ndaj rusëve e tregoi me takimin Trump-Zelensky. Shpresoj shumë që amerikanët të mos jenë bërë pishman për ndërhyrjen ushtarake në Beograd. Ajo shprehje në Beograd e djalit të presidentin ishte shumë e rëndë, flagrante”, tha ai.
LEXONI GJITHASHTU:
- Trump kërcënon me tarifa të reja, përgjigjet Kina: Po shkohet nga gabimi në gabim
- Trump nuk ka plane për të pezulluar tarifat globale, pavarësisht rënies së aksioneve
