Sot në orën 13:00 pritet të zhvillohet protesta e mjekëve në Maqedoninë e Veriut, të cilët janë të pakënaqur me pagat e tyre.
Sefedin Aliu, nënkryetar i sindikatës së mjekëve, në një lidhje të drejtpërdrejtë në emisionin “Good Morning Albanians” në Euronews Albania, tha se ka shumë probleme në shëndetësi.
Më tej, ai theksoi se pagat e infermierëve në Maqedoni janë të njëjta me pastruesit.
“Problemet në shëndetësi janë grumbulluar prej një kohe shumë të gjatë. Vonesa e pagave të janarit nxiti më shumë pakënaqësitë që të vihej te kjo protestë.
U justifikuan me sistemin dhe tashmë pagesën na e kanë kaluar. Ne kemi një situatë absurde. Në Maqedoni me ngritjen e pagës minimale infermierët janë barazuar me rrogën më të ulët. Paga minimale është më pak se 300 euro. Te ne ndodh barazimi i pastruesve dhe i infermierëve”- theksoi ai.
Më tej, ai nënvizoi se një mjek i pa specializuar merr 600 euro, ndërsa një mjek specialist 900 euro.
LEXONI GJITHASHTU: