Derbi i Madoninës në Kupë: Milan e Inter luajnë për biletën e finales

Mbrëmjen e sotme do të zbulohet skuadra e parë finaliste e Kupës së Italisë,  një mes Interit dhe Milanit. Të dyja ekipet përballen në gjysmëfinalen e dytë, pasi ajo e para u mbyll në barazim 1-1.

Interi dhe Milani do të sfidojnë njëra-tjetrën, këtë herë në një duel vendimtar, gjysmëfinalen e kupës së Italisë. Derbi i Madoninës ka vetëm një biletë në dispozicion, që për kuqezinjtë është jetike, pasi në rast se i shkon në fund garës, do të ishte shpëtimi i sezonit. Në anën tjetër, zikaltrit garojnë në 3 kompeticione, por në asnjërin prej tyre asgjë nuk është e sigurt, ndaj do të kërkohet menjëherë fitorja në mbrëmje.

Ndeshja e parë u mbyll në një barazim 1-1 duke lënë gjithcka të hapur për këtë duel kthimi i cili do të zbulojë finalisten e parë të këtij edicioni në kupë. Në letër favoritë janë zikaltrit, kjo për faktin se po kalojnë një formë shumë të mirë në krahasim me kundërshtarin, i cili dhe në kampionat është jashtë zonës euro.

Simone Inzaghi nuk ka në dispozicion për këtë ndeshje sulmuesin Thuram, por dhe dyshen Dumfries-Zielinski. Në anën tjetër krahas dy lojtarëve që janë të dëmtuar prej kohësh Emerson Royal-Loftus Cheek, pjesa tjetër janë të gjithë ta gatshëm. Në 5 ndeshjet e fundit, Milani numëron 2 fitore, 1 Interi dhe 2 sfida të tjera janë mbyllur në barazim, fakt i cili konfirmon barazinë mes këtyre dy ekipeve pavarësisht formës së mëparshme.

LEXONI GJITHASHTU:

• Barcelona dhe PSG kalojnë në gjysmëfinalet e Champions League pas humbjeve dramatike
• Tronditje në Champions League: Arsenali dhe Interi lënë jashtë Realin dhe Bayernin