Në dy vite u vranë 23 gra Shqipëri, mijëra të tjera kërkojnë mbrojtje

Mbi 3200 gra kërkuan urdhër mbrojtje në Shqipëri gjatë vitit 2019 për shkak të dhunës së ushtruar ndaj tyre jo vetëm nga partnerët, por edhe të afërm të tjerë.

Shumë prej tyre më pas rezultojnë që të jenë tërhequr nga kërkesa për urdhër mbrojtjeje, ndërsa më të vendosurat ishin ato gra ndaj te cilave dhuna ishte përsëritur. 

Gjatë dy viteve rezulton se anë vrarë në familje 23 gra dhe konkretisht në vitin 2018, 11 prej tyre u masakruan kryesisht nga bashkëshortët. I njëjti fenomen u pa edhe gjatë 2019 ku edhe rezulton të jenë vrarë 12 gra. 

Sipas të dhënave krimi ndaj grave ka ndodhur ose për mos pranim të ndarjes, ose për shkaqe që lidhen drejtpërdrejtë me varësinë e bashkëshortëve nga alkooli. Nuk mungojnë ndërkohë edhe rastet e vrasjeve për shkak të varfërisë apo xhelozisë.

Dhuna ndaj grave dhe vajzave shqiptare është kthyer në një fenomen shqetësues, ndërsa kjo situatë e rëndë shoqërore dhe sociale konfirmohet nga vetë shifrat e lartpërmendura.