Dita Botërore e Astmës, rastet rriten me 50% në 10 vitet e fundit

Astma bronkiale dhe alergjitë po shtojnë çdo ditë e më shumë persona në radhët e tyre. Në ditën botërore të astmës, e cila është një sëmundje kronikë me impakt të madh social, mjekët thonë se shifrat janë rritur me 50% në një dekadë.

“Një në katër fëmijë vuajnë nga sëmundjet alergjike. Ka një rritje të incidencës me 50% në 10 vite, pra çdo dekadë rritet me 50%”, tha Mehmet Hoxha shef i shërbimit të alergologjisë në QSUT.

Faktorët që çojnë në shfaqjen e astmës janë disa por, ndotja e mjedisit duket se është shkaku kryesor.

“Ndikon mënyra e ushqyerjes, mënyra e rritjes, ambienti ku rriten fëmijët dhe ndotja atmosferike”,-tha Mehmet Hoxha shef i shërbimit të alergologjisë QSUT.

Rreth 300 milion persona në mbarë botën vuajnë nga astma bronkiale, ndërsa mbi 450 mijë persona në vit humbasin jetën prej saj.

LEXONI GJITHASHTU:

• Kriza politike në Kosovë: LVV këmbëngul për Albulena Haxhiun si kryetare Kuvendi
• Kurti e ftoi të bëhej pjesë e qeverisë, Abdixhiku njofton qëndrimin e LDK