Kreu i Partisë Demokratike, Sali Berisha deklaroi gjatë një komunikimi online me qytetarët se sapo të vijë në pushtet partia që ai drejton do anulojë edhe koncesionin e check-up.

“Check-up-i është një koncesion familjar, Rama-Vilma Nushi. Është një shkrirje e familjeve Koleka e Nushi në një plaçkitje dhe grabitje të tmerrshme të qytetarëve shqiptarë. Këtë nuk e pranojnë vendet më të zhvilluara. Do anulohet dhe do të shkojnë para gjyqit, si Vilma Nushi, Ilir Beqja dhe Edi Rama, të cilët iu vërsulën të përdorin shëndetin e qytetarëve shqiptarë për të vjedhur qindra miliona euro”, u shpreh Berisha këtë të shtunë.

Ai nënvizoi më tej se Vilma Nushi është një nga më kryesoret në shkatërrimin e sigurisë së barnave në Shqipëri.

“Me angazhimin e kushëririt të saj nga burri, Edi Ramës, hoqi ligjin, sipas të cilit në Shqipëri nuk mund të futeshin ilaçe që nuk përdoren në territoret jashtë BE.Pas heqjes së kësaj, Shqipëria u shndërrua në koshin e ilaçeve të skaduara nga Beogradi gjer në Bangladesh”, tha Berisha.

LEXONI GJITHASHTU:

• Do dyfishojmë rrogat në mjekësi, thotë Berisha
• Historia e mjekes shqiptare në Itali që i shpëtoi jetën të miturit me tumor
• Sali Berisha po hetohet për dy çështje, thotë kreu i SPAK-ut