Doda: Partia Mundësia nuk konkurron me mashtrime, por me ndryshim

Kandidatja për deputete e partisë “Mundësia”, Barbara Doda ishte këtë të diel e ftuar në “Review” në Euronews Albania ku ka thënë arsyet e saj se përse votuesit në Shqipëri duhet të votojnë partinë që ajo përfaqëson e jo partitë e vjetra

Sipas saj partia “Mundësia” do të sjell ndryshim në vend, ndërsa u shpreh se për sa i takon premtimeve, kjo parti nuk mund të konkurrojë me partitë e vjetra, pasi sipas saj premtimet e ardhura nga Partia Socialiste dhe ajo Demokratike janë mashtrime.

“Ne Ramën dhe Berishën nuk i konkurrojmë dot me mastrime. Ata kanë 34 vite që premtojnë të njëjtat gjëra. Edhe 4 vite më parë në hapje të fushatës ishte Erion Veliaj ai që kërcente, sot kërcen Belinda Balluku. Erion Veliaj është në burg, zonja Balluku është duke u hetuar.

Në këtë kuptim për Partinë Socialiste nuk ka më ndryshim. Kur bëhen zgjedhje janë ose për të ruajtur status quo-n ose për ndryshim, partitë e vjetra janë për të ruajtur status quo-n, ne jemi për ndryshim”,-tha Doda.

LEXONI GJITHASHTU:

• “Çuçi më tha: Do jesh kandidat në Vlorë” Klevis Kaso: E ëndërroja Parlamentin por…
• “Do shpëtojmë Shqipërinë nga diktatura e dytë”, Berisha takim me emigrantët në Itali