English

Dodik del para gjykatës, shpërfilli vendimet e përfaqësuesit ndëkombëtar Schmidt

KOMENTE

SHPERNDAJE
ARTIKULLIN

Text sizeAa Aa

Lideri i serbëve në Bosnje-Hercegovinë, Millorad Dodik, ka dalë të mërkurën para gjykatës, në nisje të procesit gjyqësor kundër tij, lidhur me refuzimin e tij që t’i njohë vendimet e marra nga përfaqësuesi ndërkombëtar, Christian Schmidt, i angazhuar për mbikëqyrje të marrëveshjeve për paqe.

- Advertisement -

Gjyqi kundër Dodikut përbën një moment të rëndësishëm në Bosnje, duke e testuar kapacitetin e zbehtë qeveritar për ta mbajtur përgjegjës një politikan, i cili dyshohet se po shkel marrëveshjet e paqes dhe sistemin gjyqësor të vendit.

Rasti i pashembullt në gjykatën në Sarajevë, vjen disa muaj pas rritjes së tensioneve, meqë Dodik ka nënshkruar një legjislacion kontrovers që refuzon vendimet e marra nga përfaqësuesi ndërkombëtar Christian Schmidt, dhe Gjykata Kushtetuese.

Schmidt është i akuzuar për mbikëqyrje të Marrëveshjes së Dejtonit, që i ka dhënë fund luftës së përgjakshme në Bosnje në vitet ’90.

Në korrik, Schmidt i ka rrëzuar të dyja ligjet e miratuara nga Dodik.

Kjo është hera e parë që një lider politik në Bosnje është duke u gjykuar pse ka dështuar t’i respektojë vendimit e marra nga Schmidt. Në seancën e së mërkurës, Dodik ka kërkuar që gjyqi të bartet në Banja Llukë, kryeqytetin e entitetit serb të Bosnjes, Republikën Sërpska.

Gjyqi, më pas, është shtyrë, në pritje të një vendimi për vendndodhjen e seancës së ardhshme. Duke dalë nga gjykata, Dodik e ka sulmuar Schmidtin dhe ambasadorin amerikan në Bosnje, Michael Murphy, për “sjellje koloniale”.

“Christian Schmidt dhe Murphy po tentojnë të na e bëjnë jetën të mjerë në Bosnje”, ka thënë Dodik.

Ai përballet me pesë vjet burgim dhe ndalesë në pjesëmarrje në politikë, nëse dënohet. Vetë Dodik, i hedh poshtë të gjitha akuzat ndaj tij.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×