Duhani nis nga kureshtja, mjeku: Dëmet arrijnë deri në kancer të mushkërive

Pirja e duhanit nga moshat e reja është një nga fenomenet që po njeh rritje gjatë viteve të fundit. Mjekët thonë se të rinjtë nuk janë të informuar sa duhet për dëmet e pariparueshme që sjellë në shëndetin e tyre.

Duhanpirja është kthyer në një fenomen shqetësues për Shqipërinë, me shifra që nuk njohin rënie, por rritje, e sidomos në moshat e reja. Eksperimenti me cigaren e parë bëhet në adoleshence.

Studimet tregojnë se 80% e duhanpirësve, e nisin në nën moshën 18 vjeç dhe dëmi i parë është varësia.

“Duke filluar cigaren që në moshë të vogël, organet janë ende të pazhvilluara”,-tha mjeku.

Po kur vitet kanë kaluar dëmet bëhet edhe më të mëdha.

“Sa më shumë cigare të pimë aq më të rrezikuar jemi nga kanceri në mushkëri. Probleme duhani jep në të gjitha organet”,-tha Arben Tanka, mjek pneumolog në spitalin “Shefqet Ndroqi”.

Ekspertët shohin me shqetësim, se pirja e duhanit po trashëgohet nga një brez në tjetrin, duke bërë që niveli i duahnpirjes në vend të jetë mbi mesataren europiane dhe në moshat e reja.

Në rang vendi,38,8% e shqiptarëve janë duhanpirës. Përdorimi i produkteve të reja të duhanit nga adoleshentët është kthyer në problem global. Specialistët apelojnë që ato nuk duhen përdorur nga moshat nën 18 vjeç dhe jo duhanpirësit.

LEXONI GJITHASHTU:

• VIDEO| Mjeku iku me vrap pas seancës, gjykata zbulon nga cila derë doli
• Buzëqesh pa siklet! Produktet e duhanit pa tym ndikojnë në bardhësinë e dhëmbëve